ماليش امل في الدنيا دي غير اني اشوفك متهنّي
حتى ان لقيت ان بعدي راح يسعدك ابعد عني
اما انا مهما جرى
حافضل اصون عهد الهوى
وان غبت يوم ولا سنة
حافضل انا برضوانا
عندي من الايام ايام اقدر اصورها بالي
وعندي من أحلام أحلام حافضل اعيشها في خيالي
واللي انت شايفه في عينيا صورة هواك .
علشان لو الشوق فاض بيا
حندم عليك واقدر اشوفك
اما انا مهما جرى
حافضل اصون عهد الهوى
وان غبت يوم ولا سنة
حافضل انا برضو انا
أحلفك بعذابي اللى انت عايش فيه متهني
واحلفك بشبابي اللى لا نابك يوم ولا نابنى
ان جيت في يوم ومحبتنيش
اكدب عليا ولا تقوليش
خلينى احبك .. وافضل احبك
من غير ما اعرف ايه سر قلبك
خلينى خلينى خلينى احبك
اما انا مهما جرى
حافضل اصون عهد الهوى
وان غبت يوم ولا سنة
حافضل انا برضو انا
حافضل انا برضو انا
النص الشعري حسين السيد
النص اللحني محمد عبد الوهاب
ليست هناك تعليقات:
إرسال تعليق