كعب الغزال يامتحني بدم الغزال
انا شايف الارض بتتمرجح تحت الخلخال
ماتبطل تمشي بحنيه لايقوم زلزال
كعب الغزال
,,,,,,,,,,,,,,,,,,,,,,,,
انا كنت مسافر في الصحرا ومشواري طويل
ايه اللي غصبني اروح عندك وابيع مواويل
اتاريك مكار رحت شاغلم بويه ومناديل
ونسيت مواويلي بقيت انت لوحدك موال
ماتبطل تمشي بحنيه لايقوم زلزال
كعب الغزال
,,,,,,,,,,,,,,,,,,,,,,,,
خطوتك الحلوه ساعات تهرب في اليوم سنتين
وساعات بتقرب وتعوض سنتين في يومين
هي الغزلان كلها زيك عايشه في قلبين
وله انت بس عشان تختي عجبك ده الحال
ماتبطل تمشي بحنيه لايقوم زلزال
كعب الغزال
,,,,,,,,,,,,,,,,
كعب الغزال يامتحني خليتلي ايه على شان اغني
ده الخطوه معاك فيها كم غنوه
مافيهمش غنوه ماهيش حلوه
لا والله عليك حتة ماشيه
لو ساعتي شافتها ماهيش ماشيه
دي حاجات موش ممكن يظبطها ولا مية طبال
ماتبطل تمشي بحنيه لايقوم زلزال
كعب الغزال يامتحني بدم الغزال
,,,,,,,,,,,,,,,,,,,,,,
كلمات حسين السيد
الحان منير مراد
غناء محمد رشدي
كلمات حسين السيد
الحان منير مراد
غناء محمد رشدي
ليست هناك تعليقات:
إرسال تعليق