الحليوه فين ايه جراله ياعين
كل ساعه استنى طيفه كل يوم اقول حشوفوه
لما فاتت جمعتين
الحليوه فين
,,,,,,,,,,,,,,,,,,,
فين جماله اللي واحشني واللي قلبي يميل اليه
كان تملي يفوت يشوفني وكنت بطمن عليه
كان بيسأل قبل ماأسأل كان يقوللي الود اجمل
راح وراح الود فين
الحليوه فين
,,,,,,,,,,,,,,
فين حبيبي اللي بحبه فين هنايه وقسمتي
كان حنانه وعطف قلبه كل حظي في دنيتي
ده الهنا والفرح غابوا ليه كده طال أحتجابه
عاللي في حبه أمين
الحليوه فين
,,,,,,,,,,,,,,,,,,,,,
ياقمر بص بعينيا شوف حبيبي وشوف مكانه
بص له وأرجع اليه ده انشغالي طال عشانه
لوقريب كلملي قلبه لو بعيد حستنى قربه
مهما حتفوت السنين
الحليوه فين
,,,,,,,,,,,,,,,,,,
كلمات محمد حلاوه
الحان محمد الموجي
غناء صباح
ليست هناك تعليقات:
إرسال تعليق