العب ياشوق العب بينا وين تحب بينا تودنيا
يوم تحن شويه علينا وسنين بنارك تجوينه
ساعة تزاعلنا وساعة تراضينا
العب ياشوق العب بينا
,,,,,,,,,
ياشوق الروح شمدريها
لوجاريه تحدر بيها
كل يوم بديره توديها
كل حلوه ومره تراويها
بسك ياشوق تعت بيها
خليها تهودر خليها
ياشوق تحن احنا نريدك
عالروح المرهونه بأيدك
العب ياشوق العب بينا
,,,,,,,,,,,,
ياشوق وروجك دولبنا
من شاطي لشاطي تعبرنا
يوم بفي عالي تدللنا
يوم بحر قيض تمرمرنا
والناس تلو وتحسدنا
واللي ذاق الحب يعذرنا
ياشوق تحن احنا نريدك
عالروح المرهونه بأيدك
يوم تحن شويه علينا وسنين بنارك تجوينه
ساعه تزعلنا وساعه ترضينا
العب ياشوق العب بينا
,,,,,,,,,,,,,,
النص الشعري زامل سعيد فتاح
النص اللحني طالب القره غولي
غناء فؤاد سالم
ليست هناك تعليقات:
إرسال تعليق