بطراف الحي بالقمريه خلخاله يشع
خلخاله يشع وي كل نجمه
والناعور يتباهى بميه يغني ومطرب
يغني وجرف الشاطي يلفه
والصفصاف منعثر زلفه مال ويه النسمات الترفه
مر وتعده وتاهت روحي وخلخاله يشع
خلخاله يشع وي كل نجمه
,,,,,,,,,,,,,
مر وتعده وطرف من عقلي وياه قوطر
دق بيه الشوق ولا غمض جفني وهودر
يتراوالي يجفل قلبي وحضنات ترد
مهضومه وجذاب خياله لاذار نسد
مر وتعده وتاهت روحي وخلخاله يشع
,,,,,,,,,,,,
مر وتعده وفزز شوقي وشتراوالي
يشتل بجدام ويه عويناتي ودوهن بالي
خلخاله بقلبي دقاته خلخاله يدق
وقطع انفاسي تعد خطواته خطواته تعد
مر وتعده وتاهت روحي وخلخاله يشع
خلخاله يشع وي كل نجمه
,,,,,,,,,,,,,
النص الشعري زامل سعيد فتاح
النص اللحني والغناء طالب القره غولي
لوحه فنيه مذهبه لاتفارق ذاكره من احب وطنه
ردحذفالله الله روعه
ردحذف