أنا ياطير ( أمل خضير )

انا ياطير ضيعني نصيبي

حرت لا اني لهلي ولا اني لحبيبي

حرت مابين انسى وبين الاقيه

احن مرة لهلي ومرات احن ليه

واطير ويه الهوى لو يمر طاريه

اضمك ماي من اعطش حبيبي

انا بقلبي الحنين يفيض نهرين

والك اشتاق شوق الطيف للعين 

يالحبك دوه وفرحة هلالين 

حبيبي شماتصد انت حبيبي

مر مرة حلم للروح ياهواي

وانا بلياك ورده مفارقه الماي

هويتك قمر لو غيمت دنياي

تهل فرحه وهلاهل ياحبيبي

انا ياطير ضيعني نصيبي

حرت لا اني لهلي ولا اني لحبيبي


النص الشعري سعد صبحي السماوي
النص اللحني محمد جواد اموري
غناء امل خضير