تاذيني تاذيني ياولفي ليش تاذيني
فراقك صعب ياهواي بالقلب جاويني
تاذيني
تميت انا حيران طول العمر سهران
ما ادري بالهجران حبي تجازيني
تاذيني
كل ما أون وارتاح باسمك دليلي صاح
يامعذب الارواح وحدي تخليني
تاذيني
دمعي البيه بي سال عالولف ياما سال
هم العشق جتال منهو اللي سليني
تاذيني
بسك تعذب الروح قلبي مليته جروح
ياولفي وين تروح والمن تخليني
تاذيني
نار الغضى ياهواي تسعر بلب احشاي
نوحي كثر وبجاي والقهر سابيني
تاذيني
اعطف عليه وعود بوصلك حبيبي جود
حاير انا ومصيود منهو الينجيني
تاذيني
,,,,,,,,,,,,,
ليست هناك تعليقات:
إرسال تعليق