محتارة مابين وصلك وصدك
والقلب من بلواه بان التياعه
عطني دليل يثبت اليوم ودك
عسى يجيني من دليلك مناعه
تطرد هموم الخافق اللي يودك
من هرج عاذل مايطيق استماعه
أنا أدري أنه ياهوى البال ضدك
وكل الكلام اللي يجيبه أشاعه
القلب وده يعرف اليوم سدك
في الحب ماينفع وصاة وشفاعه
أرجوك عجل ياحبيبي بردك
حتى يصير الحب لك عن قناعه
واعطيك انا من لهفتي مايشدك
يابدر اشرق في وجودي شعاعه
,,,,,,,,,,,,,,,,,,,,,,,,,,,,,,,,,,,
ليست هناك تعليقات:
إرسال تعليق