انا بعشق البحر ( نجاة الصغيرة )

أنا بعشق البحر
زيك يا حبيبي حنون
و ساعات زيك مجنون
و مهاجر و مسافر
و ساعات زيك حيران
و ساعات زيك زعلان
و ساعات مليان بالصمت
انا بعشق البحر 

,,,,,,,,
أنا بعشق السماء
علشان زيك مسامحة
مزروعة نجوم وفرحة
وحبيبة وغريبة
عشان زيك بعيدة
و ساعات زيك قريبة
بعيون متنغمة
انا بعشق السماء
,,,,,,,,,,,,,
أنا بعشق الطريق
لأنه فيه لقائنا
و فرحنا وشقائنا
و أصحابنا و شبابنا
و فيه ضحكة دموعنا
و فيه بكيت شموعنا
و ضاع فيه الصديق
انا بعشق الطريق
,,,,,,,,
انا بعشق البحر
و بعشق السماء
و بعشق الطريق
لأنهم حياة
و انت يا حبيبي
أنت كل الحياة 

محمد منير انا بعشق البحر