شرح مفردات قصيدة ياريحان ( طلب من الصديق العربي )

أشكد نده ...
نكط على الضلع
ونسيت أكلك .. يمته
أشكد رازقي ونيمته
وأشكثر هجرك عاشر
ليالي الهوى وما لمته
لمن سحنت الليل
بكليبي
وكلت موش أنت
********** 

يامه التراجي مرجحن
حسك الصافي وغفه
ويامه الدمع ضوه سواد العيون
جانب ترفه
وتدري تنيت الدفو
بلهفه ورده
وما جيت ونيمني الثلج ...
والشته كله أتعده 

,,,,,,,,,,,

لا بالمحطة رف ضوه و لاخط جانه من البعد
لا ريل مر على السده
والشته كله تعده كله تعده
وأعلكنه للصيف اليجي
روازينه السمره ...
شمع 

,,,,,,,,,,,,

من ينزل أول الدفو بنيسان
يهتز نبع
يمكن يخضر دمع ...
يمكن بعد بالروح يا ريحان وصلة تنزرع
والكيظ أجانه وأنكضه ورد أنكضه
ورد كيظ أجه
والزلف هجرك فضفضه
ورد فضفضه
وما مش رجه
********* 

ولساع من همسه جي من بعيد
يخضر دمع
كل نسمة ترفه من تفك الباب
يخنكني الدمع
لساع .. ولذتنه أنكضت
أهجس على الكصايب شمع
وردود أكلك .. يمته ؟؟
أشكد رازقي
ونيمته
أملني يسمر بيك
كل عمري أنكضه وأملته
حته خيالك بالحلم
خايف يجي وأمنته
***********
كل لحظة من هذا العمر
وعت حسافه بكلبي
يا أول الريحان يلعطيت
نوبه بدروبي
يا آخر سواجي حنيني وحبي
من يوم طيفك هجر نومي ما نمت
حنية يا جذاب منك
ما شفت
من ظني كضك بالحلم
عنبر فحت
من ردت أجيسك جست روحي
وفرفحت
أترف من أجفاف المهر
قندون ... ما ضايك شكر
يا حلو يا بوسة سهر ...
يا ترف يا ييزي قهر
شيضرك .. بكل شته الولهان
لو صحوة مطر ؟
والشته كله تعده
والكيظ هم أتعده
شجاب العشك ؟ وأشوده ؟
لا بالمحطة رف ضوه ...
لا خط أجانه من البعد
لا ريل مر على السده
**********
ولساع ... مشدوده شبكتك
عل الخصر
والركبه من تلتاف للبوسه
جسر
بس أنت تدري شلون رصعة بالنحر
والشته شايل شليله
من يمنه وعبر
واسألته يا شته العشاك
ما عندك خبر
لك يا شته العشاك ما عندك خبر ؟
والليل أجانه وأنكضه ورد أنكضه
ورد كيظ أجه
والزلف هجرك فضفضه
ورد فضفضه
وما مش رجه 

هناك احد الاصدقاء المتابعين لشعر مظفر النواب

وهو عربي الجنسية فتصعب عليه المفردات العراقية

لذا طلب مني شرح المفردات , سوف احاول شرحها بالعربي الفصيح

كي يتسنى له فهم بعض المفردات وخاصة هذه القصيد وقد نشرتها من قبل

وسوف اعيد نشرها لضرورة شرح المفردات وهي باللهجة العامية العراقية ,

فاسمحوا لي ان اضع كلمة ومعناها 

شكد نده .. عدد قطرات الندى

نكط .. قطر على شكل قطرات على الضلع

اكلك يمتى .. اقول لك متى ؟

شكد رازقي ونيمته .. تركت ورد الرازقي ينام

مالمته .. لم ألومه

بكليبي وكلت موش انت .. بقلبي وقلت ليس انت

التراجي مرجحن .. تتأرجح الاقراط

روازينه .. فتحات صغرة في الحائط

الكيظ .. الصيف الحار

سواجي حنيني .. سواقي جمع ساقية

اجيسك .. المسك

قندول ماضايق شكر .. كاسة بلور يوضع فيها السكر

ييزي قهر .. يكفي قهر

مامش رجا .. لا امل في العودة 

,,,,,,,,,,,,,,,

ارجو اني قد وفقت بشرح المفردات