حقولك حاجة اسمعها
وفكر فيها وانساها وقبل ماتنسى رجعها
وهات الرد وياها
بحبك
كثير من قبلي قالوها وليل ونهار يعيدوها
وفضلوا سنين يغنوها
وانت ولا انت على بالك
محدش يوم شغل يومك
وعمر الليل ماشاف نومك
ومهما رجعوا وقالولك محدش زيي قال هالك
واديني بقولها اسمعها وهات الرد وياها
بحبك
بقالي زمان وانا خايفة
وعايزة اقولها موش عارفه
واقولها ازاي وانا شايفه
زحام الشوق على بابك
اثاري قلبك الخالي
بيشبه في الهوى حالي
ساعتها قلت انا في بالي
ماروحش انا ليه واقولها لك
واديني بقولها اسمعها
وهات الرد وياها
بحبك
ياخوفي لو يطول وجدي
واكون بابني الامل وحدي
وانا اللي الشوق على قلبي
كتبها لي وكتبها لك
دي كلمة انت جواها
سقاها الشوق ورواها
تعالى نعيش في معناها
هناء قلبي وراحة بالك
واديني بقولها اسمعها
وهات الرد وياها
بحبك
,,,,,,,,,,,,,,
كلمات حسين السيد
الحان رياض السنباطي
ليست هناك تعليقات:
إرسال تعليق