مستحيل ده مستحيل لو عملت المستحيل
هو جرحي كان شوية ولا دمعي ودمي ميه
ولا أنا قاسيت قليل ..
بعد عمايلك أنا إشتاقلك متهيألك
مستحيل .. مستحيل لو عملت المستحيل
إتمنيت أسهر أيامي وأنام أحلامي بين أحضانك
وإستنيت يصحى لي ضميرك ويصحي عطفك وحنانك
إستنيت بحنيني وحبي وأملي ويأسي
كنت بحبك حب ما صدقتوش أنا نفسي
كنت أسمعلك دقت بابي قبل ما توصل عند الباب
كانت الفرحة معاك طايرة بي قبل سمانا ما تبقى سحاب
كنت حياتي .. عمري .. وروحي .. خليتني أمشي أكلم روحي
هو جرحي كان شوية ولا دمعي ودمي ميه
ولا أنا قاسيت قليل ..
بعد عمايلك أنا إشتاقلك متهيألك
مستحيل .. مستحيل لو عملت المستحيل
جاي تقول معلش خلاص وتكلمني عن الإخلاص
وتبكي ليه وليك عين تبكي وتلومني
لأول مرة أشوف القسوة تبكي
وتشكي مني بعد ده كله يا ظالمني
لأول مرة أشوف الظلم يشكي
كلام سمعته كتير أيام ما كنت بأغير
وأغضب وتنده لي م الفرحة قلبي يطير
كنت وحيدي وكنت وحيدك
ضعنا إحنا الإثنين من إيدك
هو جرحى كان شوية ولا دمعي ودمى ميه
ولا أنا قاسيت قليل ..
بعد عمايلك أنا إشتاقلك متهيألك
مستحيل .. مستحيل لو عملت المستحيل
كلمات: محمد الشناوي
ألحان: محمد الموجي
ليست هناك تعليقات:
إرسال تعليق