مخاصمني بقالو مده وف ليلة شوق نداني
كلمته سمعت حسه وقفلت السكه تاني
اكمنه ياناس واحشني وخصامه كمان حايشني
كلمته اسمعت حسه وقفلت السكه تاني
,,,,,,,,,,,,,,,,,
بالليل والدنيا ظلمه دورت نمرته
وسكت ماقلت كلمه وانا بسمع همسته
قال ,, ايوه ,,, الو ؟ مين ؟
وانا في ايدي اليمين خذت السماعه ابوسها
وقفلت السكه تاني تاني
,,,,,,,,,,,,,,
وفتحت الراديو مره على غنوه بتعجبه
سبت التلفون عليها وانا بقصد اغلبه
كل كلمة حب حلوه قلتها لي
كل همسة شوق بشوق سمعتها لي
سمعها للنهايه وفرحت انه معايه
من غير ماهو يعرف وقفلت السكه تاني
اكمنه ياناس واحشني وخصامه كمان حايشني
كلمته سمعت حسه وقفلت السكه تاني
,,,,,,,,,,,,,,
وفي مره جو صحابي خليتهم يطلبوه
وغمزة الهم بعيني يعني عم يسألوه
سألوه قال قال كلام مافيهوش سيرة الخصام
أطمن قلبي حبه وقفلنا السكه تاني
اكمنه ياناس واحشني وخصامه كمان حايشني
,,,,,,,,,,,,,,,,,,,,
شايفين ياناس عشانه انا ديما بعمل ايه
اطلبه وشمعنه هو ماطلبشي مره ليه
ياريت يطلب ويقفل يعمل زي مابعمل
حعرف انه فاكرني لو قفل السكه تاني
اكمنه ياناس واحشني وخصامه كمان حايشني
كلمته سمعت حسه وقفلت السكه تاني
تااااااني
,,,,,,,,,,,,,,
كلمات عبد الوهاب محمد
الحان محمد الموجي
غناء عبد الحليم حافظ
وشاديه
ليست هناك تعليقات:
إرسال تعليق