مين فينا جاي مرساها مين رايح
لحظة ميلاد الفرح كان في حبيب رايح
يابو الروايح يانرجس ماتجس وتر القدر
تلقي حكايات البشر فيها عبير العبر صادح
,,,,,,,,,,,,,,,,,,
زي النهار الطفل لما ينفلت من بين ايادي الظلمه ويشقشق
انا شوفت روح الحق لما اتسللت صرخت في وش الخرس انطق
ادي البشر اوراق فيها عبير العبر صادح
,,,,,,,,,,,,,,,,,,,,
بان في عيون العصر لما زغللت الليل يجيها يحني ظهر الزين
انا شوفت روح الخطوه لما اتبرجلت عكازها ماشي بالخطى على فين
ادي البشر اوراق فيها عبير العبر صادح
,,,,,,,,,,,,,,,,,,
الصبح طفل بريء ومساه يبان تجاعيد
وفوق طريق الايام تجري الحياة مشاوير
ونشوف ملامح الزمن متعاده في المواليد
واحنا البشر كلنا اعمار ورق بيطير
,,,,,,,,,,,,,,,,,,
دايره تدور بالبشر ويا الزمان بتدور
دمعه على اللي مضى ودمعه فرح للجاي
ياحي طول مانت حي مسيره بيجي الدور
دي حكايه متكرره من يوم ولادة الضي
,,,,,,,,,,,,,,
ياللي انت عايش حياة بص لها تلقاها
سبحة هنا وتنفرط بالعمر مانشوفهاش
ولا شيء يعطر حياتنا يمد في مداها
غير سيرة عاشت هنا اكثر صاحبها ماعاش
,,,,,,,,,,,,,,,,,,,,,,,,
كلمات فؤاد حجاج
الحان عمار الشريعي
كلمات فؤاد حجاج
الحان عمار الشريعي
ليست هناك تعليقات:
إرسال تعليق