قالوا زمان دنيانا هيه غروره
وقلنا واللي تغره يخسر مصيره
قالو الشيطان قادر وله الف صوره
قلنا مايقدر عاللي خيره لغيره
,,,,,,,,,,,,,,,,,,,,,
ايه معنى دنيتنا وغاية حياتنا
اذا بعنا فطرتنا البريئة الرقيقة
وازاي نبص لروحنا جوه مرايتنا
اذا احنا عشنا هربانين من الحقيقة
المال تجيبه الريح وتاخذه الهوايل
اما البنون يوم الحساب بيفتونا
مال ايه دا لو كان مال قارون كله زايل
ولا غير عمايل الخير ياهو انجدونا
,,,,,,,,,,,,,,,,,,,,
ومين نكون ان بعنا يومنا وماضينا
وليه نعيش اذا كانش بكرى يراضينا
وازاي ننام من غير مانحلم ببكرى
وبكرى ده منين بيجي الا بأدينا
,,,,,,,,,,,,,,,,,,,
قالو زمان دنيانا هي غروره
وقلنا واللي تغره يخسر مصيره
قالو الشيطان قادر وله الف صوره
قلنا ماقدر عاللي خيره لغيره
,,,,,,,,,,,,,,,,,,,
بحلم وافتح عنيه على جنه للانسانيه
والناس سوى بيعيشوها بطيبه وبصفوه نيه
احلامي تصلب لي ظهري
ويروق ويصفالي ظهري
ويلالي ظهري وجوهري لكل الناس وليا
يادنيا لما تغري غيري مسيرك تمري
وبعد مري تسري نفسي العزيزه الغنيه
لا المال ينور طريقي ولا البنون بلو ريقي
عملي في حياتي رفيقي في وقفتي الاخرانيه
,,,,,,,,,,,,,,,,,,,,,,,,,,,,,
كلمات سيد حجاب
ليست هناك تعليقات:
إرسال تعليق