رق الحبيب وواعدني وكان له مده غايب عني
حرمت عيني الليل من النوم لاجل النهار مايطمني
صعب عليه انا احسن ماشوف في المنام
غير اللي يتمناه قلبي
سهرت استناه واسمع كلامي معاه
واشوف خياله قاعد جنبي
,,,,,,,,,,,,,,,,,
من كثر شوقي سبقت عمري
وشفت بكرى والوقت بدري
وايه يفيد الزمن مع اللي عاش في الخيال
واللي في قلبه سكن وانعم عليه بالوصال
,,,,,,,,,,,,,,,,
طلع عليه النهار سهران بنور الامل
وغنت الاطيار لحن الهوى والغزل
وفضلت افكر في ميعادي واحسب لقربه حساب
وكان كلامي مع صحابي عن المحبه والاحباب
من فرحتي بدي اتكلم واقول حبيبي مواعدني
لكن اخاف ليكون بينهم مظلوم في حبه يحسدني
,,,,,,,,,,,,,,,,,,,,
هجرت كل خليل ليه وفضلت عايش مع روحي
احسن يبان شيء في عنيه من كثر خوفي على روحي
ولما قرب ميعاده حبيبي ورحت اقابله
هنيت فؤادي على نصيبي من قرب وصله
ولقيتني طاير من الدنيا بكل اللي اهواه
بس اللي كان فاضل ليه اسعد بلقاه
,,,,,,,,,,,,,,,,,,,
لما خطر ده على فكري حير امري
والقرب سبب تعذيبي ولقيتني خايف على عمري
ليروح مني من غير ماشوف حسن حبيبي
,,,,,,,,,,,,,,,,,,,
كلمات احمد رامي
الحان محمد القصبجي
غناء ام كلثوم
ليست هناك تعليقات:
إرسال تعليق