مين عذبك بتخلصو مني وذنبي أيه بتعذب فيه
ليه العواذل حاسديني دول حقهم يبكوا عليه
انا اللي مهما تعذبني ساكت على الغلب وصابر
وان شفت غيري متهني اصبر القلب الحاير
وامتى بس ح ترحمني هو العذاب ده مالوش اخر
ليه العواذل حاسديني دول حقهم يبكوا عليه
مش لاقي حد يسليني حتى المنام عز عليه
والدمع كان يواسيني ومنين اجيب دمع عينيه
مادام حبايبي هجروني مين اللي ح يحن عليه
ليه العواذل حاسديني دول حقهم يبكوا عليه
ياطيف حبيبي اللي عشقته تعالى شوف اللي جرالي
يكفي العذاب اللي انا شفته وتكفي فرحة عذالي
ويكفي ليلي اللي سهرته من غير حبيب يبكي لحالي
ليه العواذل حاسديني دول حقهم يبكوا عليه
,,,,,,,,,,,,,,,,
كلمات أمين عزت الهجين
الحان وغناء
محمد عبد الوهاب
ليست هناك تعليقات:
إرسال تعليق