ياواحشني رد عليه ازيك سلامات
انا احبك قد عنيه والعمر في حبك فات
سلامات ياواحشني
,,,,,,,,,,,,,
روحي وعنيه وقلبي ياحبيبي بيحبوك
عايزينك تفضل جنبي عايزين ديما يشوفوك
وانا وياهم مشتاقلك مشتاق ليلياي هواك
وعشان كده اقولك امتى حيسعدني لقاك
ياحبيب قلبي ياحياتي امتى حتسعد اوقاتي
سلامات ياواحشني
,,,,,,,,,,,,
الشوق خذني ورماني على نار اللي بتكويني
غيابك طال خلاني سهران على دمعة عيني
شوف قلبي شوف حرمانه شوف حيرته شوف تعذيبه
ليه بس حتنسى حنانه ده حبيبك وانت حبيبه
زي مابيحبك حبه ومحدش ينسى حبايبه
سلامات ياواحشني
,,,,,,,,,,,,,
الليل شافني لوحديه خذني في حضنه وسهرني
ونجومه بقت حواليه تحكيلي وتفكرني
بتفكرني بلياليك بتفكرني بأيامك
بتشوقني لعنيك بتشوقني لكلامك
ياحبيب الروح والعين وحشوفك امتى وفين
سلامات ياواحشني
,,,,,,,,,,,
ياواحشني رد عليه ازيك سلامات
انا احبك قد عنيه والعمر في حبك فات
سلامات سلامات
ياواحشني
,,,,,,,,,,,,,,,
كلمات عبد العزيز سلام
الحان فريد الاطرش
ليست هناك تعليقات:
إرسال تعليق