ياليلي ياعيني ياليلي ياعيني
على مين على مين ياسيد العارفين
على مين على مين بتبيع الحب لمين
ان كنت جاي تغني روح اسال قبله انا مين
ماتروحش تبيع المايه في حارة السقايين
آه على مين
,,,,,,,,,,,,,
يامالك في الحب ضحايا بيحكوا عنك روايات
بيقولوا انك بتألف في الليلة سبع غنوات
والغنوة الوحدة في ليلة تلحنها سبع مرات
وتروح ثاني يوم وتقولها بحنان ودموع وآهات
ان كنت فاكرني منهم روح أسال قبله انا مين
ماتروحش تبيع المايه في حارة السقايين
آه على مين
,,,,,,,,,,,,,,,,
سيبك من البحر اللي انت غرقته نار ودموع
والامل اللي انا طمعته وخليته يموت من الجوع
والليل اللي مالوش اخر والقلب ابو شوق موجوع
سيبنا من الهم ده كله نتكلم في الموضوع
العشرة عايزه ضمان وبوليق زي التامين
بتسيبها القلب في نظرة تتقال من غير تلحين
موش بس تشيلها وتمشي في حارة السقايين
آه على مين
,,,,,,,,,,,,
مافيناش حاوريني ياكيكه مفيناش لف ودوران
مبقاش فيه وقت ياروحي للشكوى والهجران
ليك ماضي كله سوابق في الحب مالوهش امان
وانا عايزه حب حنين مش حب يودي لمان
انا عمري ما احب الخاين ولا احب الكذابين
متروحش تبيع المايا في حارة السقايين
آه على مين
,,,,,,,,,,,,,,,
كلمات حسين السيد
الحان منير مراد
غناء شريفة فاضل
ليست هناك تعليقات:
إرسال تعليق