حكيم عيون افهم في العين
وافهم كمان في رموش العين
اعرف هواهم ساكن فين
واعرف دواهم يجي منين
قاسيت كثير منهم
وقريت كثير عنهم
اسمع يادكتور انا اعرف ان الم الضرس يجي لما الواحد ياكل حاجة ساقعة
على شان تحرمي تاكلي كلاس وتذوبي في قلوب الناس
وعرفت منين
ماتعرفيش اني اقدراقره افكارك ؟
ومن عنيك اقدر اقولك كل اسرارك ؟
حكيم روحاني حضرتك
طيب اقرالي اللي في قلبي واحكيلي عليه
اللي مكتوب فيه بيخوف ماقدرش احكيه
بيخوف مين ؟
بيخوفني
انت كل حاجه تحشر نفسك فيها حتى قلبي
ساريتني صحيح اقدر اكشف قلبك
وأسأله عاللي في بالي
تسأله عن أيه ؟
عايز اعرف ان كان مشغول ولا خالي
شيء مايهمكشي
مايهمنيش ازاي
طب ماتعيطشي
عندي سؤال لو تسمحي اقدر اقول هولك ؟
أوي
في ياترى شخصي يهمك شاغلك ومشغول بو قلبك
والشخص ده موجود هنا ؟
يعني انت عارفة موش كده
والشخص ده شايفاه ده الوقت قدامك ؟
بالطبع لا
زعلت مني ولا أيه ؟
أبدا وحزعل منك ليه
ده الوقت بس صدقتك خدعوني قلبي وعنيه
واللي انكتب جوه في قلبك اتاريه لغيري موش ليه
آه ه ه موش ليه
,,,,,,,,,,,,,,
كلمات حسين السيد
الحان وغناء محمد عبد الوهاب
ليست هناك تعليقات:
إرسال تعليق