انا والعذاب وهواك عايشين لبعضينا
اخرتها ايه وياك ياللي انت ناسينا
ياللي انت ناسينا
,,,,,,,,,,,,,,,
عهد الهوى صنته وعمري ماخنت ولا بعت ايامه
الحب خبيته وبقلبي غنيته وعشقت انغامه
وقلت اغني وياك ياقاسي
بعدت عني وفضلت اقاسي
واحتار شبابي معاك والوجد فاض بينا
صابر وبستنى والصبر موش لينا
اخرتها ايه وياك ياللي انت ناسينا
ياللي انت ناسينا
اهل الهوى مساكين صابرين وموش صابرين وبيحسدوا الخالي
اصل الهوى غدار فيه القلوب تحتار مال الهوى ومالي
ياللي بحبك حيرت قلبي طاوعت قلبك لوعت قلبي
اخرتها ايه وياك ياللي ناسينا
ياللي انت ناسينا
,,,,,,,,,,,,,,,,,
عيني على عيونك والرمش بجفونك قادر وظالمني
عينك بتتكلم والرمش بيسلم وانت مخاصمني
وفي كل نظره شايف غرامك
ولا قلت مره سبب خصامك
اخرتها ايه وياك ياللي ناسينا
ياللي ناسينا
,,,,,,,,,,,,,,,,,,,,,
كلمات عبد المنعم السباعي
الحان وغناء محمد عبد الوهاب
ليست هناك تعليقات:
إرسال تعليق