ساكن قصادي وبحبه واتمنى اقابله فكرت اصارحه
لكن ابد ما قدرش اقوله
وفضلت استنى الايام في ميعاد مايسهر ومعاد مايرجع
كل خطوه ارسم احلام تكبرفي قلبي والقلب يطمع
واقول مسيره ح يحس بيه لو يوم صادفني وسلم عليه
حيلاقي صورته ساكنه في عنيه ويحس بيها رعشة ايديه
كنت حاسه ان حبه كل ما دا كان بيكبر
ابقى عايزه لو يكون قلب غير قلبي الصغير
فضلت امالي مع الليالي
تقرب حبيبي اللي ساكن قصادي
وبحبه
,,,,,,,,,,,,,,
وفي يوم صحيت على صوت فرح بصيت من الشباك
زينه وتهاني وناس كثير دايرين هنا وهناك
شاورولي بأديهم وقالولي عقبالك
هللت من الفرحه ,,,, وسألت
قالوا جارك ,,,,
جاري ؟؟؟
حبيبي ؟؟ حبيبي اللي ساكن قصادي وبحبه
,,,,,,,,,,,,,,,,
رحت الفرح بالليل ورسمت في عنيه الفرحه
ساعة ماكان بيشيل بأديه وبعنيه الطرحه
شربت شرباتهم وانا قاعده باصالهم
لحد ماقامو ومشيت اوصلهم
حتى الامل مابقاش من حقي افكر فيه
بعد الليله دي خلاص بقى غيري اولى بيه
وتهت وسط ازدحام ماحد حاسس بي
عايزه اجري وتووووه والناس يقولوا حاسبي
ناس في طريق النور مابين فرح وشموع
وانا في طريق مهجور ومنوراه بدموع
ولقيتني فايته من جنب بابه
لا هو داري في قلبي ولا باللي نابه
ياويلي من طول غيابه
وياويل ايامي من جرح عذابه
عذاب الجرح اللي فاتوهلي وسابه
ساكن في قلبي وساكن قصادي وبحبه
حبيبي ,, اللي ساكن قصاي وبحبه
,,,,,,,,,,,,,,,,,
كلمات حسين السيد
الحان محمد عبد الوهاب
ليست هناك تعليقات:
إرسال تعليق